/p. 207/ barbaro remige, congenitum esse piscem aliquem
patris simulacro persimilem. I. C. – Nugae.
Seminis spiritus illico in aëre evanescunt
et inefficax illud redditur ad generationem,
quam ob causam et qui longam habent mentulam,
ut plurimum sunt steriles, nisi calidam
subagitent iuvenculam, cuius calore foveatur
semen, ne elanguescat, dum per longos canales
traducitur.
DIALOGUS XXXI.
De natura piscium.
Alex –
De piscium natura nunc disseramus.
I. C. – Libentissime. Alex. – Scire
percuperem num Empedoclis
secteris opinionem, qui piscium
naturam dicebat esse igneam. I. C. –
Minime. Alex. – Ego vero maxime. I. C. – Quae
te movent rationes? Alex. – Audi: ad frigidissimum
elementum Natura illos ablegavit, calidissima
igitur erat ipsorum concretio, sane non
nisi ad temperandum ipsorum calorem detrusit
in aquas. I. C. – Antecedens est a veritate alienum.
Non enim, ut Empedocles somniabat, in sicco
creavit Natura pisces atque in humorem
deinde transtulit; haud enim Natura sui est
dissimilis, quare cum nunc ijsdem in locis, in
Indice
|
Pagine introduttive |
|
LIBER PRIMUS De Coelo et Aere |
|
LIBER SECUNDUS De Aqua et Terra |
|
LIBER TERTIUS De Animalium Generatione et Affectibus quibusdam |
|
LIBER QUARTUS SUBTILISSIMUS De Religione Ethnicorum |